الجمعة، 11 مارس، 2011

دفتر الذكريات



كلمات ليست كـالكلماتِ في دفتر الذكريات
,
فدائماً تبدعين عزيزتى بـ كتباتك التى ظلت دوماً حبرها مشاعر متدفقة بيننا
,
كم تمنيت ان اشاهدك وأنتى تَرسمين الكلمات
,
فدئماً كانت نهايتها لوحة مرسومة بالكلمات
,
انتظر الوقت الى نكون فيه مع بعض ونشارك في كتابة دفتر الذكريات ,
فارس , ,
إهداء لـღღღღ


الأربعاء، 9 مارس، 2011

نقطة نظام في وسط الظلام



نقطة نظام فى وسط الظلام .


نحن الى أين متجهون , خاصةِ بعد الاحداث الاخيرة التى حدثت في مصر,

اغلب مطالبنا طالبنا بيها مش ناقص الا اننا ندعم حكومة الدكتور عصام لتنفيذها .
انما المظاهرات الفئوية والطائفية ليس وقتها الان ,

ونطالب حكومة الدكتور عصام شرف بتشكيل لجنة من القضاءه والحكماء يتلقون مشاكل العمال البسيطة ويسمعوا لهم ويصلوا لنتيجة مرضية ليهم مع استمرار العمل وعدم ايقافه.

ونطالب شباب ورجال مصر اننا نهدى شوية عايزين في هذه المرحلة نأخذ بالنا من مثيري الفتن
ولا نترك لهم فرصة وهما معروفي قيادات الحزب البائد وبعض رجال امن الدولة الغير شرفاء .

الغرض من هذه الفوضي هو تطبيق الاحكام العرفية وبكدا يقضوا على ثورتنا , مش عايزن ترك لهم فرصة عايزن كلنا نقف مع بعض هذه الايام .

احنا قعدنا شهر كامل من غير امن مفيش كنيسة اتعرضت لحرق او هدمها ,
خلال شهر كامل مشفناش حاجة اسمها مسلم ومسيحي كلنا كنا مصريين ,
ياريت الشباب يكون واعي , وياريت مينقلش اي خبر يثير الفتنة مهما كانت النية سليمة
عايزين نبني مصر مش نهدمها .

عايز افهمكم حاجة النظام بيلعب لعبته الاخيرة وهو عارف كويس انه ملهوش راجعة
فبيلعب لعبة " عليا وعلى اعدائي" ,,

وهافهمكم ازاي :
مصر يوجد بها سجون رجال ونساء ,, لماذا تم هروب المساجين الرجال فقط
اذا كان اهالى المساجين يردون اخراج زويهم من السجون فلماذا لم نجد اهلى النساء المسجونات ولم يتم تهريبهم ,, الاجابة اكيد واضحة .

لماذا تناولت وسئال الاعلام المختلفة تعديل المادة الثانية من الدستور الخاصة بالشريعة الاسلامية , مع انها لم تكن ضمن المواد التى تغيرت او التى اشار اليها للتغير ,
الاجاية واضحة للفتنة.

وعندما فشلت هذه المخطاطت , اتجهوء الى وسيله اكثر عنفاً
لتكون فوضى حقيقية وخاصة بعد سقوط اعمدة النظام في حكومة شفيق
وبعد اتهام امن الدولة واقتحام مقراته المهمه ,

فبدئوا الان باشعال الفتنة بين المسلمين والاقباط بالقتل حتى تكون هناك حرب اهلية بين المصرين, واتجهوا الى طريقة جديدة ارسال عناصر اجرامية بقيادة مخبري امن الدولة

في النهاية كل دا ليه ’ الاجابة واضحة
علشان الامور تخرج عن نطاق السيطرة ,, واجبار الجيش بالعمل بالحكام العرفية
وبكدا يضيعوا اي فرصة لاصلاح حقيقي وساعتها هانكون مجبرين على الامر المفروض علينا من الجيش , سواء كان قرار صحيح او قرار خطأ

فارجوكم كلنا مصرين .
" نحن المسلمين لانكره اخوتنا الاقباط ,, ونحن الاقباط لا نكره اخوتنا المسلمين",,
كنا موجدين خلال شهر كامل مع انعدام الامن وغياب الشرطة بالكامل ,
لم نجد مسجد او كنيسة اتحرقت او مظاهرات طائفية خرجت , أكيد عارفين ليه .

ارجوكم بلاش تنشروا الاخبار التى تؤدي الى الفتنة بحسن نية
ارجوم بلاش نكون اداه بين ايدي قيادات الحزب البائد وبعض الرجال الغير شرفاء من امن الدولة

على فكره حكومة الدكتور عصام شرف من الحكومات المحترمة جداً
فلازم نساعدهم هذه الفتره , واذا كنا معترضين على اشياء فيجب نطلبها منهم
بمنتهي الادب والحب والاحترام كما تعودنا على ذالك من قبل وصدقوني هما هاينفذوها
نحن نثق فيهم , فيجب ان نمد لهم ايدينا لنساعدهم على تحقيق مطالبنا.

وان لم تستجاب نقف وقفات احتجاجية بمنتهي السلمية , ولا ندع فرصة لمثيري الشغب ان يكونوا معانا , دي بلدنا واحنا لازم نحافظ عليها من هولاء

رجاء اخير من اخيكم

ياريت نطلب السهل ثم الممكن واخر شئ نطلبه الصعب
حتى نسهل الامور على الحكومة الانتقالية بتسير الاعمال
ولا نكون نحن العائق الاول على تنفيذ مطالبنا .

شكراً جزيلاً لكم ياثورة شباب مصر
انكم لحد الان افشلتم معظم مخططات النظام المخلوع .

تحياتي واحترامي لكم
فارس مصر
9 مارس 2011

الاثنين، 14 فبراير، 2011

حمدلله على سلامتك يامصر

اخذنا القلم من الطاغية يامصر احنا الى هانرسم مستقبلنا,
هانخليكي جنه يامصر ,, جنـه مرسومة بالوانا وتخططها احلامنا الله عليكى يا بلدنا,

من النهاردة دي بلدك انت، تاريخك انت، وطنك انت، بيتك انت. ماترميش زبالة،
ماتكسرش إشارة، ماتدفعش رشوة، ماتزوّرش ورقه، اخلص في شغلك.
بإدينا نقدر نبني بلدنا. كلنا ايد واحده. المصريين كلهم ايد واحده

انشروها :)
فارس مصر

مصر تتحدث عن نفسها


وقف الخلق ينظرون جميعا ·

كيف ابنى قواعد المجد وحدى·

وبناة الاهرام فى سالف الدهر.

كفونى الكلام عند التحدى·

انا تاج العلاء فى مفرق الشرق ·

ودراته فرائد عقدى·

اى شئ فى الغرب قد بهر الناس ·

جمالا ولم يكن منه عندى·

فترابى تبر ونهرى فرات ·

وسمائى مصقولة كالفرند·

اينما سرت جدول كرم ·

عند زهر مدنر عند رند·

ورجالى لو انصفوهم لسادوا ·

من كهول ملء العيون ومرد·

لو اصابوا لهم مجالا لابدوا ·

معجزات الذكاء فى كل قصد.

انا ان قدر الاله مماتى ·

لاترى الشرق يرفع الراس بعدى·

ما رمانى رام و راح سليما ·

من قديم عناية الله جندى·

كم بغت دولة على وجارت ·

ثم زالت وتلك عقبى التعدى·

قل لمن انكروا مفاخر قومى ·

مثل ما انكروا ماثر ولدى·

هل وفقتم بقمة الهرم الاكبر؟ ·

يوما فرايتم بعض جهدى ؟·

استبينوا قصد السبيل وجدوا ·

فالمعالى مخطوبة للمجد؟

الأحد، 13 فبراير، 2011

مبارك | شعور سخيف

شعور سخيف تكون مش مقبول من شعبك وتبقى موجود ,
مات الاحساس يوم ما تنزلت عن كرامة شعبي ,
مات يوم ما ضحكت على نفسي وقلت مفيش قوة اقوى من الكرسي,
نصاحوني المعارضة بأن الكرسي مش هايدوم وانا دوست في العناد,
صحيت على دوشة وصوت عالى قلت مين قالولي شعبك,
قلت لا يمكن يكون شعبي شعبي اخرس,
دا اكيد قوة اخوانية حماسية ايرانية ,
ما انا كدبت الكدبة وصدقتها شعبي صوتة واطي,
دا اكيد بيقولوا " اخترناك وبيعناك ياريس " ما هي دي كمان كانت كدبة وصدقتها,
رحت لحبيبي " العادلي " يتصرف ويتعامل مع شعبنا,
لاقيته ولا هو حبيب ولا عدلي,
انا أكتشفت انى كنت عايش اكذوبة كبيره,
وصحيت على صوت شعب اراد الحياة,
لا قوة ولا حيله مع شعب اراد الحياة,
تحية لكل شباب مصر

------------------
فارس مصر
09 فبراير‏

ودعاً للصمت



ودعاً للصمت،

مش هانسكت على ظلم تانى , ومش هانتازل على حقوقنا,
مصر ليست بلد فقيره , بلد غنيه جداً بثرواتها وكوادرها ,
مصر لينا كلنا محدش فيها اكبر منها,
مش هانرضي يامصر اننا نرجع بيكى للخلف,
هانبطل نفتخر باننا احفاد الفراعنة وهانبطل كلام,
هانخلى العالم هو من يفتخر بيكي وباولادك,
يامصر مش هاتكونى بعد اليوم ماضى نفتخر بيه,
ولادك هايخلوكى الماضى والحاضر والمستقبل,

فاس مصر
09 فبراير،

اسلمي يامصر



تصميم جديد بعنوان اسلمي يامصر.


فارس مصر
04 فبراير،

فخور بأنى مصري


لاول مره في حياتي احس انى مصري وان مطالبِ بيستجاب لها،
بعد ان كان صوتى لا يصل الى المسؤلين،
ولاول مره اشوف رئيس وزراء مصري يخرج ويعتذر للشعب المصري،
عن اخطاء حدثت في حق المصرين،
و اشوف نائب للرئيس يخرج ويتحدث ولا اري نبره استعلاء،
كما عهدنا اغلب الحكومات المصرية خلال 30 عام،
تحية خاصة لكل الشباب المصري .

فارس مصر
03 فبراير، الساعة 08:29 مساءً‏

Twitter Delicious Facebook Digg Stumbleupon Favorites More